Namanganda qutqaruvchilar 3 nafar fuqaroning hayotini saqlab qoldi

FVV qutqaruvchilari tomonidan Namanganda 3 nafar fuqaro hayoti saqlab qolindi.

Foto: FVV

Kecha, 3 sentabr kuni soat 16:55 da Namangan viloyatida 25 metr kubli sig‘im ichiga tushgan 3 nafar fuqaro tozalash va bo‘yash vaqtida hushsiz holga kelib qolgani haqida FVBga xabar qilingan.

Xabarga asosan, hodisa joyiga zudlik bilan FVV qutqaruvchilari yetib borib, maxsus qutqaruv asbob-anjomlari yordamida fuqarolar qutqarib olingan va tibbiyot xodimlari bilan birgalikda birinchi yordam ko‘rsatilgan.

Hozirda ularning ahvoli yaxshi.