NNT ishiga noqonuniy aralashuvchi davlat xizmatchilari javobgarlikka tortiladi

"Fuqarolik jamiyati, ko‘pincha demokratiyaning asosi deb ataladi, uzoq vaqt davomida ko‘plab possovet davlatlarida shubha, byurokratik to‘siqlar va siyosiy bosimlarga duch keldi, – deb yozgan muallif. – Bir paytlar bundan mustasno bo‘lmagan O‘zbekiston endi qarama-qarshi yo‘nalishda keskin qadam tashladi. Yangi qonun nodavlat-notijorat tashkilotlarini cheklash uchun emas, balki ularni himoya qilish, imkoniyatlarini kengaytirish va mamlakat boshqaruvi tizimiga integratsiya qilish uchun ishlab chiqilgan bo‘lib, bu kuchliroq fuqarolik jamiyatiga yo‘l ochmoqda".

Ko‘p yillar davomida O‘zbekiston qonunchiligi nodavlat-notijorat tashkilotlari (NNT) faoliyatiga davlat aralashuvini rasman taqiqlagan edi. Ammo bir kamchilik bor edi: taqiqning kuchi yo‘q edi. Yangi qonun buni o‘zgartirmoqda, u NNT ishiga noqonuniy ravishda to‘sqinlik qiluvchi yoki aralashuvchi davlat xizmatchilari uchun ma’muriy javobgarlikni joriy etadi. Endilikda qoidabuzarlarga bazaviy hisoblash miqdoridan o‘n besh baravargacha jarimalar qo‘llanadi, takroriy qoidabuzarliklar uchun esa yanada qattiqroq jazolar belgilanadi.

"Bu katta o‘zgarishdir. Miqdor bo‘yicha talablarga rioya qilish yuki mintaqaning aksariyat qismida hali ham butunlay NNT zimmasida. Shu bilan birga, amaldorlar o‘z vakolatlarini suiiste’mol qilganliklari uchun javobgarlikka tortilmaydilar. Aksincha, O‘zbekiston pretsedent yaratmoqda: fuqarolik jamiyatiga putur yetkazganda, davlatning o‘zi ham hisobdor bo‘ladi", – deb ta’kidlangan nashrda.

Muallif ta’kidiga ko‘ra, hech qanday qonun, albatta, darmon emas. Uni amalga oshirish, hayotga tatbiq etish haqiqiy sinov bo‘ladi.

"Shunday bo‘lsa-da, O‘zbekistonda ushbu qonunning qabul qilinishi muhim bosqichdir. Mazkur hujjat O‘zbekistonda NNTga nisbatan hisobdorlik va o‘zaro ishonch davriga yo‘l ochayotganidan dalolat beradi", – deb urg‘ulangan nashrda.