O‘zbekiston va Saudiya universitetlari o‘rtasida hamkorlik yo‘lga qo‘yiladi

Muloqot avvalida rektor Falih bin Rajallah as-Salmiy O‘zbekiston va Saudiya Arabistoni o‘rtasida barcha sohalarda, jumladan, ta’lim yo‘nalishidagi hamkorlik aloqalari rivojlanib, yangi pog‘onalarga ko‘tarilayotganini aytib o‘tdi.

Tomonlar oliy ta’lim sohasida ikki tomonlama hamkorlik aloqalarini yo‘lga qo‘yish, shuningdek, O‘zbekiston universitetlari bilan akademik, ilmiy-tadqiqot yo‘nalishlarida birgalikda ishlash rejalarini muhokama qildi.

Podshoh Xolid universiteti va O‘zbekiston oliy ta’lim muassasalari o‘rtasida qo‘shma ta’lim dasturlari, o‘qituvchilar va talabalar almashinuvini yo‘lga qo‘yish, grant ajratish imkoniyatlari xususida fikr almashildi.

Saudiya tomoni O‘zbekistonda oliy ta’lim muassasalari bilan qayd etilgan barcha yo‘nalishlarda uzoq muddatli hamkorlikni o‘rnatishga tayyorligini bildirdi.

Uchrashuv yakunida mazkur yo‘nalishdagi birgalikdagi ishlarni jadallashtirish va O‘zbekiston oliy ta’lim muassasalari bilan sheriklikni yo‘lga qo‘yish bo‘yicha muloqotlarni davom ettirishga kelishib olindi.