Mask: Insoniyat 2055 yilgacha Marsda joylashishi mumkin

«O‘ylaymanki, buni 30 yil ichida amalga oshirish mumkin, agar har ikki yilda bir ochiladigan Marsga parvozlar bilan biz u yerga yetkazib berishimiz mumkin bo‘lgan tonnajni eksponensial ravishda oshirsak», — dedi Mask.

Tonnajni ko‘paytirish juda muhim, dedi milliarder, chunki Marsdagi aholi punkti turli xil narsalarni talab qiladi — turar joy modullaridan tortib robot yordamchilargacha. Haqiqatan ham o‘zini o‘zi ta’minlash uchun «sivilizatsiyaning barcha tarkibiy qismlari» bo‘lishi kerak, deya qo‘shimcha qildi Mask: oziq-ovqat yetishtirish, Mars atmosferasidan yonilg‘i olish, mikrochiplar, kompyuterlar va raketalarni ishlab chiqarish uchun materiallar.

Kelajakda to‘liq qayta foydalanish mumkin bo‘lgan Starship V3 transport tizimi ushbu vazifalarni bajarish uchun mo‘ljallangan. U 100 tonnadan ortiq foydali yukni orbitaga olib chiqa oladi. Bu Falcon Heavy'ning qayta foydalanish mumkin bo‘lgan yuk tashish hajmidan taxminan 2,5 baravar ko‘pdir. Ayni paytda, Falcon Heavy'dan, xuddi Falcon 9 kabi, faqat qisman qayta foydalanish mumkin: uning yuqori bosqichi bir martalik. Super Heavy va Ship (Starship'ning yuqori bosqichi) qayta foydalanish uchun mo‘ljallangan.

Maskning so‘zlariga ko‘ra, Starship V3 taxminan 124,4 metr balandlikda bo‘ladi, Starship V2 esa - 121 metr. Ushbu uchinchi versiya Marsga ucha oladigan transport tizimining birinchi modifikatsiyasiga aylanadi. SpaceX kelgusi yilning boshida undan Qizil sayyoraga birinchi uchuvchisiz missiyalarni yuborish uchun foydalanishi kutilmoqda.