Buxoroda bo‘sh turgan 3 qavatli binoda yong‘in sodir bo‘ldi

Jondor tumanida ro‘y bergan yong‘in to‘g‘risida dastlabki ma’lumot taqdim etildi.

Foto: FVB

Kecha, 30 sentabr soat 19:17 da Buxoro viloyati, Jondor tumani, “Sho‘robod” MFY, Yangihayot qishlog‘ida joylashgan hozirda ish faoliyatida bo‘lmagan 3 qavatli binoda yong‘in sodir bo‘lganligi to‘g‘risida FVBga xabar kelib tushgan.

Shunga ko‘ra, 6 ta yong‘in-qutqaruv ekipaji soat 19:20 da hodisa joyiga yetib borib, yong‘in soat 19:30 da o‘rab olingan va soat 20:55 da o‘chirilgan.

Hozirda yong‘in sababi va zarari aniqlanmoqda.

Yong‘in natijasida tan jarohati olgan fuqarolar to‘g‘risida xabar kelib tushmagan.