Бухорода бўш турган 3 қаватли бинода ёнғин содир бўлди

Жондор туманида рўй берган ёнғин тўғрисида дастлабки маълумот тақдим этилди.

Фото: ФВБ

Кеча, 30 сентябр соат 19:17 да Бухоро вилояти, Жондор тумани, “Шўробод” МФЙ, Янгиҳаёт қишлоғида жойлашган ҳозирда иш фаолиятида бўлмаган 3 қаватли бинода ёнғин содир бўлганлиги тўғрисида ФВБга хабар келиб тушган.

Шунга кўра, 6 та ёнғин-қутқарув экипажи соат 19:20 да ҳодиса жойига етиб бориб, ёнғин соат 19:30 да ўраб олинган ва соат 20:55 да ўчирилган.

Ҳозирда ёнғин сабаби ва зарари аниқланмоқда.

Ёнғин натижасида тан жароҳати олган фуқаролар тўғрисида хабар келиб тушмаган.