Samsung uch buklanadigan smartfonini taqdim etadi

Kompaniya uch buklanadigan smartfon ishlab chiqarishi haqidagi xabarlar sentabr boshida paydo bo‘lgandi.

Insayderlar ushbu qurilma yaqin kunlarda taqdim etilishini aytishmoqda. Xabarlarga ko‘ra, smartfon 31 oktabr-1 noyabr kunlari Koreyaning Kenju shahrida bo‘lib o‘tadigan Osiyo-Tinch okeani iqtisodiy hamkorligi sammitida namoyish etiladi.

Ma’lumot berilishicha, qurilma tashqi ekrani diagonali 6,5 dyuym atrofida bo‘ladi. Ochilgan holatda esa smartfon displeyi 10 dyuymni tashkil etadi.

U cheklangan seriyada chiqarilishi, narxi esa 3 million vondan (2130 dollar) ortiqroq bo‘lishi aytilmoqda.

O‘tgan yil sentabrda sotuvga chiqarilgan Huawei Mate XT dunyodagi ilk uch buklanadigan smartfon bo‘lgandi.