Tadbirkorning salkam 1 mlrd so‘mini qo‘lga kiritgan shaxs aniqlandi

Bosh prokuratura huzuridagi departamentning Jondor tumani bo‘limi tomonidan tadbirkorlik sub’yektlarining huquqlarini himoya qilish yuzasidan tergovga qadar tekshiruv o‘tkazilgan.

Unda, fuqaro X.S. (muqaddam firibgarlik jinoyati uchun sudlangan) X.I. MChJ ta’sischisining ishonchini suiiste’mol qilib, yonilg‘i–moylash materiallarini olib berish uchun korxona hisob raqamidan 995,7 mln so‘mni o‘zining plastik kartasiga o‘tkazib olishga erishib, tadbirkorning juda ko‘p miqdordagi pul mablag‘larini aldov yo‘li bilan qo‘lga kiritgani aniqlangan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.