Yoshlarning «Yashil tashabbuslar»i qo‘llab-quvvatlanadi

Yoshlarda tabiatga muhabbat hissini uyg‘otish, ularning atrof-muhitni muhofaza qilishga qaratilgan loyihalarini amalga oshirishga ko‘mak beriladi.

Hukumat qarori «O‘zbekiston Respublikasi Yoshlar ishlari agentligi huzuridagi «Yashil tashabbuslar»ni qo‘llab-quvvatlash jamg‘armasi to‘g‘risida»gi nizom tasdiqlandi.

Nizom O‘zbekiston Respublikasi Yoshlar ishlari agentligi huzuridagi «Yashil tashabbuslar»ni qo‘llab-quvvatlash jamg‘armasi mablag‘larini shakllantirish va ulardan foydalanish, Jamg‘arma faoliyatini boshqarish, uning mablag‘larini taqsimlash, hisobi va hisobotini yuritish tartibini belgilaydi.

Jamg‘arma mablag‘lari quyidagi maqsadlarga yo‘naltiriladi, jumladan:

- yoshlarda tabiatga muhabbat hissini uyg‘otish, ularning atrof-muhitni muhofaza qilishga qaratilgan loyihalarini amalga oshirishga ko‘maklashish;

- yoshlarning ekologik toza texnologiyalarni joriy etish, chiqindilarni qayta ishlash, yashil energiya manbalaridan foydalanish kabi ekologik loyihalarini qo‘llab quvvatlash;

- mamlakatimizda ekologik barqarorlikni ta’minlashda yoshlar ishtirokini kuchaytirishga qaratilgan loyihalarni amalga oshirish;

- yoshlarning daraxt ko‘chatlarini ekish va parvarishlash kabi ekologik loyihalarini qo‘llab-quvvatlash.

Jamg‘arma mablag‘lari hisobidan uning tasdiqlangan daromadlar va xarajatlar smetasi asosida foydalaniladi.