Infografika: Yevrosiyodagi davlatlarning haqiqiy o‘lchamlari

Yer sharsimon. Rasmni tekis yuzaga o‘tkazishga uringanda, qit’alar va mamlakatlarning nisbati buziladi.

Ko‘pgina zamonaviy xaritalarda 1569 yilda flamand kartografi Gerard Merkator tomonidan taklif qilingan proyeksiyadan foydalaniladi. Bu proyeksiya dastlab dengizchilar uchun mo‘ljallangan edi.

Ushbu proyeksiyaning asosiy afzalliklaridan biri dengizchilik uchun zarur bo‘lgan burchak buzilishlarini nolga tushirish qobiliyatidir. Ushbu xaritalarda hududlarning konturlari aniq ko‘rsatilgan, ammo ularning o‘lchamlari ancha buzib ko‘rsatilgan.

Qutblarga yaqin joylashgan mamlakatlar xaritalarda eng keskin tarzda kattalashtiriladi. Ekvator yaqinida joylashgan mamlakatlar esa kichikroq ko‘rinadi.

Taqqoslash uchun, Rossiyaning maydoni taxminan 17 million kvadrat kilometrni, Xitoyniki esa 9,5 million kvadrat kilometrni tashkil qiladi. Grenlandiyaning maydoni (2,1 million kvadrat kilometr) Ispaniyanikidan (505 000 kvadrat kilometr) taxminan to‘rt baravar katta. Odatiy xaritada ular orasidagi farq ancha kattaroq ko‘rinadi.