Insayderlar iPhone 18 Pro qanday bo‘lishini allaqachon bilib oldi

MacRumors nashri iPhone 18 Pro va Pro Max haqidagi mish-mishlarning bir qismini ishonchli insayderlarga asoslanib bayon qildi. Tashqi tomondan smartfonlar taniqli dizaynni saqlab qoladi, ammo korpus ostida va kamerada bizni jiddiy yangilanishlar kutmoqda.

Keyingi yili Apple 2022 yildan beri birinchi marta «orolcha» o‘lchamlarini kichraytiradi - bu to‘liq ramkasiz, teshiksiz displeyga qo‘yilgan birinchi qadam bo‘ladi. Ammo iPhone 18 Pro old kamerasi ko‘rinib turadi. Ekranosti Face ID faqat iPhone 19 Pro smartfonida paydo bo‘lishi kutilmoqda.

iPhone 18 Pro va iPhone 18 Pro Max orqa paneli magnit halqa sohasida xira shaffof dizaynga ega bo‘ladi - «foydalanuvchi smartfon ichini ko‘rishi uchun». Ekranlarning diagonali o‘zgarmasligi kerak - 6,3 va 6,9 dyuym.

48 megapikselli asosiy kamera o‘zgaruvchan diafragmani qo‘llab-quvvatlaydi, bu esa foydalanuvchilarga sensorga tushayotgan yorug‘lik miqdorini qo‘lda sozlash imkonini beradi. Bu turli xil yorug‘lik sharoitlarida fotosuratlar sifatini yaxshilashi kerak. Hozir iPhone 17 Pro hech bir kamerasi o‘zgaruvchan diafragmani taklif qilmaydi.

A20 Pro chipi eng so‘nggi 2-nm TSMC texnologik jarayonida ishlab chiqarilgan bo‘lib, A19 chipiga nisbatan unumdorlikni sezilarli darajada oshirishni ta’minlaydi.

Avvalroq Apple 2026 yildan boshlab yangi iPhone taqdimotini ikkiga bo‘lishni rejalashtirayotgani haqida xabar berilgan edi. Pro-modellar va buklama smartfonlar 2026 yil kuzida standart jadval bo‘yicha chiqariladi, arzonroq iPhone esa 2027 yilning bahorida paydo bo‘ladi.

Buklanadigan iPhone navbatdagi seriyaning bir qismiga aylanishi allaqachon deyarli tasdiqlangan. Asosiy xususiyatlari orasida egiluvchan burmasiz displey, Face ID o‘rniga Touch ID va to‘rtta kamera mavjud. Shakl omili Galaxy Z Fold ruhida kitob shaklida bo‘ladi.