Og‘ir atletikachi Akbar Jo‘rayev avtomobil bilan taqdirlandi

Og‘ir atletika bo‘yicha Norvegiyada o‘tkazilgan jahon chempionatining g‘olib va sovrindorlarini taqdirlash marosimi bo‘lib o‘tdi. Tadbirda Sport vazirligi, MOQ va mamlakat og‘ir atletika federatsiyasi rahbariyati ishtirok etdi.

Dunyo birinchiligida 3 ta oltin medalni qo‘lga kiritib, -110 kg vazn toifasida mutlaq chempionlikka erishgan Akbar Jo‘rayev tegishli hukumat qarori asosida prezident sovg‘asi – BYD avtomobili hamda 15 ming dollar bilan taqdirlandi.

Shuningdek, mazkur yo‘nalishda 2 ta bronza medaliga sazovor bo‘lgan Ruslan Nurudinov 3750 dollar mukofot oldi.

Sportchilarning murabbiylariga ham pul mukofoti topshirildi.