XPeng uchuvchi minivenini ishga tushirdi

Xitoyning XPeng kompaniyasi dunyoda birinchilardan bo‘lib odamlar uchun dron o‘rnatilgan miniven ishlab chiqarishni yo‘lga qo‘ydi. Bu texnologiya avtomobil va aviatsiya o‘rtasidagi chiziqni butunlay yo‘q qilishi mumkin.

Foto: XPeng

Yangi model — Land Aircraft Carrier deb nomlanadi. U gibrid dvigatelga ega bo‘lib, 1000 km gacha yo‘l bosishi mumkin. Eng hayratlanarlisi — miniven ichidagi ikki o‘rinli kopter mashinaning tanasidan ajralib chiqib, avtopilot yoki qo‘lda boshqariladigan tarzda uchishi mumkin.

To‘g‘ri, hozircha parvozlar faqat hukumat ruxsat bergan maxsus yo‘nalishlarda amalga oshiriladi. Ammo bu bosqich — kelajak transportiga qo‘yilgan katta qadam.

Narxi hozircha sir, lekin taxminan 2 million yuan (≈280 ming dollar) atrofida bo‘lishi aytilmoqda. Sotuvlar 2026 yilda boshlanadi.

#Xitoy #miniven #XPeng

Kun.uz yangiliklarini Google News'da kuzating

+ Obuna bo'lish