Qirg‘izistondagi zilzila kuchi O‘zbekistonda sezildi

Qirg‘izistonning O‘sh viloyatida 14 noyabr kuni soat 16:57 da 3,7 magnitudali zilzila sodir bo‘ldi. Bu haqda Seysmoprognostik monitoring markazi xabar berdi.

Zilzila 10 km chuqurlikda yuzaga kelgan, epimarkaz Toshkent shahridan 328 km janubi-sharqda joylashgan.

Yer silkinishi Andijon viloyatining bir nechta hududlarida sezildi:

- Qo‘rg‘ontepa tumani — 2–3 ball (episentrdan 23 km)

- Xonobod tumani — 2–3 ball (23 km)

- Xo‘jaobod tumani — 2 ball (33 km)

- Jalaquduq tumani — 2 ball (36 km)

Zilzila epimarkazida sezilish kuchi 4 ball bo‘lgani ma’lum qilindi.

Jabrlanganlar va talafotlar haqida xabar berilmadi.