O‘zbekiston va Qirg‘iziston chegara hududlarni o‘zaro almashdi

O‘zbekiston va Qirg‘iziston chegarani demarkatsiya qilish jarayoni doirasida ayrim yer uchastkalarini o‘zaro almashdi almashdi. Bu haqda Qirg‘iziston prezidenti matbuot kotibi Askat Alag‘ozov ma’lum qildi.

Qayd etilishicha, avval O‘zbekiston hududiga kirgan Cho‘ng‘ara va Tosh-Tobo qishloqlari Qirg‘iziston tarkibiga o‘tkazilgan. Ushbu qishloqlarda 2,5 mingga yaqin aholi yashaydi va ularning aksariyati etnik qirg‘izlardir.

O‘z navbatida, Qirg‘iziston tomoni O‘zbekistonga chegara hududidan teng miqdorda yer uchastkalarini beradi. Aynan qaysi hududlar nazarda tutilayotgani ochiqlanmagan.

Shuningdek, Say va Tayan qishloqlari o‘rtasida yangi avtomobil yo‘li qurilishi uchun tomonlar umumiy maydoni 236 gektar bo‘lgan yer uchastkalarini ham almashgan. Bu yo‘l Botken viloyati aholisi uchun Aydarkendan Botkengacha masofani 225 kmdan taxminan 55 kmgacha qisqartirishi kutilyapti.