Yakkasaroy tumanidagi xonadonda yong‘in sodir bo‘ldi

15 noyabr kuni soat 16:44 da Toshkent shahar FVBga Toshkent shahar Yakkasaroy tumani, Yakkasaroy 1-tor ko‘chasida joylashgan shaxsiy xonadonda yong‘in sodir bo‘layotgani to‘g‘risida xabar tushgan.

Qayd etilishicha, yong‘in-qutqaruv texnikalari manzilga soat 16:55 da yetib borgan.

“Yong‘in 17:06 da qurshab olindi, soat 17:11 da o‘chirildi. Yong‘in oqibatida jabrlanganlar yo‘q”, deyiladi xabarda.

Hozirda yong‘in sababi aniqlanmoqda.