Toshkentda 100 dan ortiq ifloslantiruvchi obekt faoliyati to‘xtatildi

Maxsus komissiya ishchi guruhlari tomonidan o‘tkazilgan tekshiruvlar yakunida quyidagicha natijalar qayd etildi:

🔵 Issiqxonalar bo‘yicha

jami 1449 ta issiqxona tekshirildi;
atmosfera havosini ifloslantirish hamda qoidalarga rioya etmaslik holatlari uchun 67 ta issiqxona faoliyati to‘xtatildi;
403 nafar shaxsga ma’muriy bayonnoma rasmiylashtirildi;
qonun doirasida faoliyat yuritishlari uchun 19 ta xo‘jalikka gaz tarmoqlariga ulanish uchun texnik shartlar berildi.

🔵 Qurilish obektlari bo‘yicha

53 ta noqonuniy qurilish aniqlandi;
talablarga javob bermagan 34 ta obektning faoliyati vaqtincha to‘xtatildi;
qonunbuzarlikka yo‘l qo‘ygan 188 nafar shaxs javobgarlikka tortilishi belgilandi;
changlanishni kamaytirish maqsadida 51 ta obektga suv purkagich o‘rnatildi.

🔵 Avtotransport vositalari bo‘yicha

havoni me’yordan ortiq ifloslantirgan 206 haydovchiga nisbatan ma’muriy choralar ko‘rildi;
yukni yopmasdan harakatlangan 837 ta transport vositasiga jarima choralari qo‘llandi.

Bundan tashqari, shaharning mikroiqlimini yaxshilash va havodagi chang konsentratsiyasini kamaytirish maqsadida:

77 ta ko‘cha va 165 ta jamoat joylari namlantirildi;
121 km ariqlar tozalandi;
126 ta favvora ishga tushirildi.

Mutasaddilarga ko‘ra, bunday reydlar va profilaktik tadbirlar atmosfera havosi sifatini yaxshilash hamda ekologiya talablariga rioya etilishini ta’minlash maqsadida davomli ravishda o‘tkazib boriladi.