Jahon | 07:47 / 03.12.2025
3870
3 daqiqa o‘qiladi

Aholi jon boshiga eng ko‘p o‘rmon to‘g‘ri keladigan mamlakatlar

Jahon o‘rmonlari yer yuzi bo‘ylab bir xil taqsimlanmagan: Kanada va Rossiya kabi mamlakatlar hissasiga yuz millionlab gektar o‘rmon hududlari to‘g‘ri keladi. Biroq bu o‘rmon boyliklari aholi orasida qanday taqsimlanishi dunyo bo‘ylab keskin farq qiladi.

Foto: iStock

Yuqoridagi infografikada har bir mamlakat bo‘yicha aholi joni boshiga to‘g‘ri keladigan o‘rmon maydoni vizual tarzda ko‘rsatilgan bo‘lib, sayyoraning yashil qoplamiga o‘ziga xos nazar tashlash imkonini beradi. Agar mamlakatlar bo‘yicha o‘rtacha hisobda bir odamga atigi 0,5 gektar o‘rmon to‘g‘ri kelsa, ayrim tanlab olingan davlatlar bu borada ancha yuqori ko‘rsatkichlarga ega.

Infografika uchun ma’lumotlar BMTning Oziq-ovqat va qishloq xo‘jaligi tashkiloti (FAO) tomonidan taqdim etilgan. Ularda har bir mamlakatning jami o‘rmon maydoni gektarlarda o‘lchangan va 2025 yil uchun aholi soni bo‘yicha prognozlar bilan taqqoslangan, shu asosda aholi joniga to‘g‘ri keladigan ko‘rsatkich hisoblab chiqilgan.

Bu yerda ayniqsa Gayana va Surinam ajralib turadi — bu davlatlarda har bir aholiga 22 gektardan ortiq o‘rmon to‘g‘ri keladi. Bu holatni tropik o‘rmonlarning juda katta hududlarni egallashi va aholining nisbatan kam (har bir mamlakatda bir million kishidan kam) bo‘lishi bilan tushuntirish mumkin. Ushbu mintaqadagi o‘rmonlar Gviana qalqoni deb ataluvchi, yer yuzida saqlanib qolgan eng yirik birlamchi tropik o‘rmon majmualaridan birini tashkil etadi.

Foto: Visual Capitalist

Reyting yetakchilari qatoriga, shuningdek, Kanada (to‘rtinchi o‘rin, bir kishi hissasiga 8,9 gektar o‘rmon) va Rossiya (oltinchi o‘rin, bir kishi hissasiga 5,7 gektar o‘rmon) ham kiradi — umumiy maydoni jahonda eng katta bo‘lgan mamlakatlardan ikkitasi. Garchi bu davlatlarning aholisi ro‘yxat tepasida turgan Gayanaga nisbatan bir necha barobar ko‘p bo‘lsa-da, ulardagi ulkan o‘rmon hududlari bir kishi hissasiga o‘rmon maydoni bo‘yicha o‘rtacha ko‘rsatkichdan ancha yuqori darajani ta’minlaydi.

Отабек Матназаров
Tayyorlagan Отабек Матназаров
Kun.uz yangiliklarini Google News'da kuzating
+ Obuna bo'lish

Mavzuga oid