Ayrim oziq-ovqat mahsulotlarini bojsiz olib chiqish me’yorlari e’lon qilindi

Qonunchilikka muvofiq, jismoniy shaxslar tomonidan O‘zbekistondan ayrim turdagi oziq-ovqat mahsulotlarini boj to‘lamasdan olib chiqish uchun aniq miqdoriy me’yorlar o‘rnatilgan.

Foto: O‘zA

O‘zbekiston qonunchiligiga ko‘ra, jismoniy shaxslar tomonidan ayrim turdagi tovarlarni respublika hududidan boj to‘lamasdan olib chiqish quyidagi miqdorlarda amalga oshirilishi mumkin:

guruch – 3 kilogrammgacha;
non-bulka mahsulotlari – 5 kilogrammgacha;
go‘sht va go‘sht oziq-ovqat mahsulotlari – 2 kilogrammgacha;
shakar – 2 kilogrammgacha;
o‘simlik yog‘i – 2 kilogrammgacha;
yangi uzilgan meva-sabzavot mahsulotlari, uzum, poliz ekinlari, dukkakli o‘simliklar hamda quritilgan sabzavot va mevalar – 40 kilogrammgacha.

Ma’lumot uchun, ko‘rsatilgan me’yorlardan ortiq miqdorda tovarlar olib chiqish bojxona qonunchiligiga muvofiq tartibda rasmiylashtirilishi lozim.