Avtomobillarga texnik xizmat narxi sezilarli oshdi

Milliy statistika qo‘mitasi ma’lumotlariga ko‘ra, joriy yilning noyabr oyida avtomashinalarga texnik xizmat ko‘rsatish va ta’mirlash xizmatlari narxlari oktyabr oyiga nisbatan, ya’ni bir oy ichida o‘rtacha 0,7 foizga qimmatlashgan.

Shu bilan birga, 2025 yil boshidan buyon ushbu turdagi xizmatlar narxi jami 6,9 foizga, o‘tgan yilning mos davriga nisbatan esa 7,8 foizga oshgani kuzatilgan.

Bu ko‘rsatkichlar avtomashina egalari uchun texnik xizmat va ta’mirlash xarajatlari bosqichma-bosqich ortib borayotganini anglatadi.