Qoʻshimcha funksionallar
-
Tungi ko‘rinish
Donald Tramp Shavkat Mirziyoyevni G20 sammitiga taklif qildi
O‘zbekiston va AQSh prezidentlari o‘rtasida telefon muloqoti bo‘lib o‘tdi. Prezident Shavkat Mirziyoyevning matbuot xizmatiga ko‘ra, muloqotda strategik sheriklik munosabatlarini chuqurlashtirish muhokama qilingan, davlat rahbari amerikalik hamkasbini O‘zbekistonga taklif qilgan. Donald Tramp esa O‘zbekiston va Qozog‘iston prezidentlarini G20 sammitiga taklif etganini ma’lum qildi.
AQSh prezidenti Donald Tramp O‘zbekiston va Qozog‘iston prezidentlari bilan telefon orqali muloqot qildi va ular kelasi yilgi Katta yigirmatalik sammitiga taklif qilinishi aytdi. Bu haqda u o‘zining Truth Social tarmog‘ida ma’lum qildi.
2026 yilgi G20 sammiti bir yildan keyin – 14-15 dekabr kunlari AQShning Mayami shahrida bo‘lib o‘tishi ko‘zda tutilgan.
O‘zbekiston prezidentining matbuot xizmatiga ko‘ra, Shavkat Mirziyoyev va Donald Tramp o‘rtasidagi muloqotda oliy darajada erishilgan kelishuvlar ijrosining borishi, shuningdek, O‘zbekiston – AQSh strategik sheriklik munosabatlarini yanada rivojlantirish istiqbollarini ko‘rib chiqilgan.
"Tomonlar oliy darajadagi faol muloqotlarni davom ettirish niyatini tasdiqladi va amaliy hamkorlik bo‘yicha qo‘shma tashabbus va dasturlarni ilgari surishga kelishib oldi. O‘zbekiston prezidenti Amerika yetakchisini o‘zi uchun qulay muddatda mamlakatimizga tashrif bilan kelishga taklif etdi", - deyiladi xabarda.
Mavzuga oid
23:25
To‘qimachilikda ishlab chiqarish hajmini 147 trillion so‘mga yetkazish maqsad qilindi
21:50
To‘qayev Qozog‘istonni tinchlik muzokaralari maydoni sifatida taklif qildi
18:22
Tramp To‘qayevga Oq uyning «ramziy kaliti»ni sovg‘a qildi
17:17