Yanvar–sentabr: har 44 ta tug‘ilishdan biri egizak

2025 yilning yanvar–sentabr oylarida O‘zbekistonda 664,6 mingta tirik tug‘ilish holati qayd etilgan. Shundan 15 136 nafari egizak tug‘ilishlarga to‘g‘ri kelib, bu umumiy ko‘rsatkichda taxminan har 44 ta tug‘ilishdan biri egizak ekanini anglatadi.

Milliy statistika qo‘mitasi ma’lumotlariga ko‘ra, 9 oylik davrda tirik tug‘ilishlar soni “bir vaqtda tug‘ilgan chaqaloqlar soni” kesimida quyidagicha taqsimlangan:

1 nafar tug‘ilganlar — 649 041 nafar;
2 nafar tug‘ilganlar (egizaklar) — 15 136 nafar;
3 nafar va undan ortiq tug‘ilganlar — 421 nafar.

Shu tariqa, 2025 yilning yanvar–sentabr oylarida qayd etilgan tirik tug‘ilishlar ichida egizaklar hissasi sezilarli ulushni tashkil etgan. Ayni paytda, statistikada uch va undan ortiq chaqaloq tug‘ilish holatlari ham qayd etilgani — ko‘p bolali tug‘ilishlar ham mavjudligini ko‘rsatadi.

Keltirilgan raqamlar 2025 yil yanvar–sentabr oylari bo‘yicha Milliy statistika qo‘mitasi ma’lumotlari asosida shakllantirilgan.

Tayyorlagan: Отабек Матназаров

#egizak #tug‘ilish