Ekologik stikerni endi onlayn olish mumkin

Endi ekologik stiker olish uchun YHXX idoralariga borish talab etilmaydi — ariza onlayn qabul qilinadi. Xizmat tavsifiga ko‘ra, ekologik stiker bepul taqdim etiladi, yetkazib berish esa pochta orqali amalga oshiriladi. 

Qanday qilib onlayn olinadi?

my.gov.uz portali yoki mobil ilovasi orqali:

• qidiruvga “Ekologik stiker” deb yozib xizmatni tanlash;
• tizim shakllantirgan ma’lumotlarni tekshirib, arizani tasdiqlash.

Xizmat sahifasida qayd etilishicha, arizada pochta orqali yetkazib berish manzili ko‘rsatiladi va pochta xarajatlari uchun to‘lov invoysi shakllantiriladi. 

Narxi va yetkazib berish

• Stikerning o‘zi va ariza topshirish: bepul. 
• Pochta orqali yetkazib berish: BHMning 5 foizi. Hozir BHM 412 000 so‘m ekanini inobatga olganda, 5 foiz — 20 600 so‘mni tashkil qiladi.

Muddat: 10 kun. 

Ma’lumot uchun, xizmatning huquqiy asosi sifatida Vazirlar Mahkamasining 2025 yil 28 noyabrdagi 750-son qarori ko‘rsatilgan.