Neft bazada ishlaydiganlarning o‘rtacha oyligi 10 mln so‘m bo‘ladi

Neft bazada ishlaydiganlarning o‘rtacha oyligi 10 mln so‘m bo‘ladi, deb yozdi “O‘zbekneftgaz” matbuot kotibi Mo‘min Ibodov o‘zining Telegram kanalida.

Uning bildirishicha, bu yangilik «O‘zbekneftgaz» AJ boshqaruv raisi Abdug‘ani Sanginov ishtirokida o‘tkazilgan yig‘ilishda aytilgan.

“Buning uchun bir qancha zarur chora tadbirlar amalga oshirish bo‘yicha mas’ullarga ko‘rsatmalar berildi”, deyiladi xabarda.

Shuningdek, matbuot kotibining yozishicha, neft bazalar tasarrufidagi samarasiz aktivlar masalasi ham keskin muhokama qilingan.

Avvalroq Abdug‘ani Sanginov o‘tkazgan tanqidiy yig‘ilishda yo‘l qo‘yilgan jiddiy kamchiliklar sabab Termiz, Jizzax, Maroqand hamda Kuchlik neft bazalari rahbarlari egallab turgan lavozimlaridan ozod etilgani xabar qilingandi.