Checheniston rahbari Ramzon Qodirovning o‘g‘li Adam og‘ir «avariya»ga uchragani aytildi

Manbalarga ko‘ra, Qodirov korteji Grozniyda katta tezlikda harakatlangan, bir necha avtomobil YTH «ishtirokchisi» bo‘lgan, bir necha kishi jarohatlangan.

Checheniston rahbari Ramzon Qodirovning o‘g‘li Adam Qodirov Grozniydagi yo‘l-transport hodisasidan so‘ng shifoxonaga yotqizildi, deb xabar berdi 16 yanvar kuni muxolifatdagi Niyso telegram-kanali va «Kavkaz.Realii» nashri manbalarga tayanib.

Ularning ma’lumotiga ko‘ra, Adam Qodirov og‘ir ahvolda, hushsiz holatda shifoxonaga yetkazilgan. U Grozniydagi respublika shifoxonasida yotibdi. Jabrlanuvchi reanimatsiya qilinib, Moskvaga olib ketishga tayyorlanmoqda.

Manbalarga ko‘ra, Qodirov korteji katta tezlikda harakatlangan, bir necha avtomobil YTH «ishtirokchisi» bo‘lgan, bir necha kishi jarohatlangan.

Halokatdan keyin Grozniy shahri yopib qo‘yishdi. Xususan, Qodirov olib borilgan shifoxona yo‘llari yopilgan.

18 yoshli Adam Qodirov - Checheniston rahbari Ramzon Qodirovning eng mashhur farzandlaridan biri. U Checheniston xavfsizlik kengashi kotibi va respublika IIV kuratori hisoblanadi.