Qoʻshimcha funksionallar
-
Tungi ko‘rinish
Huquq-tartibot sohasiga yosh va talabchan rahbarlar kerak – prezident
Prezident huquq-tartibot sohasiga yuqori malakali, yosh va talabchan rahbarlar korpusi zarurligini ta’kidladi. Hozirda tizimda yosh chegarasidan o‘tgan 300 dan ortiq rahbar xizmat qilmoqda. Ular murabbiy va o‘qituvchi yoki mahallalarda yoshlar uchun ustoz sifatida faoliyat yuritishlari mumkin, dedi davlat rahbari.
Foto: Prezident matbuot xizmati
Prezident Shavkat Mirziyoyev O‘zbekiston huquq-tartibot sohasiga yuqori kasbiy malakaga ega, yosh va talabchan rahbarlar korpusi kerakligini ta’kidladi.
Yig‘ilishda davlat idoralari va korxonalarida xavfsizlik uchun mas’ullar faoliyatini ham tanqidiy qayta ko‘rib chiqish vaqti kelgani qayd etildi.
«Bizga yuqori kasbiy kompetensiyalarga ega, talabchan yosh rahbarlar korpusi kerak», – degan prezident.
Ma’lum qilinishicha, ushbu tizimda xizmat o‘tash chegarasi polkovniklar uchun 55 yosh, generallar uchun 60 yosh bo‘lsa-da, hozir bu yoshdan oshgan 300 dan ortiq xodim rahbarlik lavozimida ishlamoqda.
Vaholanki, Favqulodda vaziyatlar vazirligi tizimida rahbar kadrlarning barchasining yoshi 50 yoshdan kichik.
Shavkat Mirziyoyev rahbarlikka yosh kadrlarni qo‘yish, pensiya yoshidagilarning tajribasidan murabbiy va o‘qituvchi sifatida foydalanish yoki mahallada yoshlarga ustozlik qiladigan tizim yaratish muhimligini qayd etdi.
Mavzuga oid
18:13
Shavkat Mirziyoyev Toshkent shahri IIBB huzuridagi qo‘riqlash xizmati faoliyati bilan tanishdi
16:50
Prezident aksar sportchilar ko‘cha bezorisiga aylanib ketayotganidan xavotir bildirdi
16:33
«Narkotik uchun oyiga o‘rtacha 20−25 mln so‘m sarflayapti» – prezident yoshlar orasidagi giyohvandlik muammosi haqida
14:49