Yangi Kia Carnival - oilaviy va korporativ transportning yangi standarti

Zamonaviy Carnival bir vaqtning o‘zida bir nechta toifalar xususiyatlarini birlashtiradi: miniven sig‘imi, krossoverning vizual ishonchliligi va biznes-klass avtomobillari bilan solishtirish mumkin bo‘lgan qulaylik darajasi. Bunday yondashuv modelni ilg‘or oilalar uchun ham, korporativ mijozlar uchun ham, yirik SUVʼdan boshqa transport vositasiga o‘tayotganlar uchun ham birdek jozibador qiladi.

Eksterer: zamonaviy, dadil, ishonchli

Kia Carnival’dagi o‘zgarishlar bir nigohdan seziladi. Eksterer «Qarama-qarshiliklar birligi» brend falsafasi va tabiat bilan birlashish g‘oyasini rivojlantiruvchi «Zamonaviy va jasur» dizayn konsepsiyasida yaratilgan. Bunday yondashuv modelning uchta asosiy sifatini ajratib ko‘rsatadi: individuallik, ta’sirchanlik va qulaylik.

Avtomobilning old qismi vertikal yo‘naltirilgan faralar va «Yulduzlar xaritasi» uslubida ishlab chiqilgan keng kunduzgi chiroqlar tufayli texnologik va ifodali tarzda ko‘rinadi. Geometrik ishlov berilgan radiator panjarasi jiddiylik taassurotini oshiradi va himoyalovchi plastinali qayta ishlangan bamper modelning krossover xususiyatini alohida namoyon etadi.

Carnival’ning orqa tomonida ham sezilarli darajada o‘zgarishlar sodir bo‘ldi. Raqam belgisi yukxona eshigining pastki qismiga joylashtirildi, bu esa chiqib turgan tutqichdan xalos bo‘lish va yanada toza va ixcham ko‘rinish yaratish imkonini berdi. Xuddi shu «Yulduzlar xaritasi» konsepsiyasida ishlab chiqilgan orqa chiroqlar eshikning minimal dizayni bilan uyg‘unlashadi va rivojlanish kayfiyatini kuchaytiradi. Keng himoya plastinkasi va kontrast qora elementlar ishonchli va zamonaviy krossven obrazini yakunlaydi.

Model uchun 17 dan 19 dyuymgacha bo‘lgan yangi dizayndagi yengil qotishmali g‘ildirak disklari taqdim etilgan.

Interer: makon, texnologiya va qulaylik

Kia Carnival saloni an’anaviy ravishda modelning eng kuchli asoslaridan biri bo‘lib qolmoqda. Interer kenglik, aniq zonalarga bo‘linish va vizual qulaylik g‘oyasi atrofida qurilgan bo‘lib, futuristik uslub mo‘’jaz chiziqlar va puxta o‘ylangan yoritish orqali shakllantirilgan.

Markaziy element sifatida raqamli qurilmalar paneli va multimedia tizimini birlashtirgan keng panoramali buklangan displey paydo bo‘ldi. Har bir ekranning diagonali 12,3 dyuym bo‘lib, ma’lumotlarni boshqarish va iqlim nazorati yanada tushunarli tarzda namoyon bo‘ldi. Eshik elementlari, tirsak qo‘ygichlar va dinamiklar dekorativ panjaralarining shakllari va bezaklari o‘zgardi, bu esa intererning premium xususiyatini yaqqol ko‘rsatadi.

O‘ziga xos tuyg‘ularni Ergo Motion haydovchi o‘rindig‘i ta’minlaydi. Yostiq va suyanchiqqa joylashtirilgan havo kataklari tizimi qulaylik darajasini boshqarish imkonini beradi va uzoq safarlarda charchoqni kamaytirish orqali tanani cho‘zish funksiyalarini amalga oshiradi. Haydovchi ixtiyorida 12 dyuymli proyeksion displey mavjud bo‘lib, old panel va eshiklarning 64 xil rangdan birini tanlash imkoniga ega atmosferli yoritgich qo‘shimcha qulaylik hissini yaratadi.

Turli qismlariga e’tibor kuchaytirildi: old stakan qo‘ygichlarining o‘lchami kattalashtirildi, salon ko‘zgusi optik rejim va kameradagi tasvir o‘rtasida o‘zgartirish imkoniyati asosida raqamlashtirildi. Ikkinchi qatordagi o‘rindiqlar Relaxation Seat tizimi bilan jihozlandi. Muhim yangilanishlar qatorida yo‘lovchilarning yo‘l-transport hodisalarida bir-biri bilan to‘qnashishining oldini oluvchi markaziy yon xavfsizlik yostiqchasi ham o‘rin olgan.

Dvigatel va transmissiya

Kia Carnival uchun o‘zini yaxshi namoyon qilgan Smarstream turkumidagi 3,5 litrli atmosferali V6 taqsimlangan yonilg‘i purkashga ega benzin dvigateli bilan jihozlangan. Uning quvvati 6400 ayl/min da 272 ot kuchi, maksimal buruvchi momenti esa 5000 ayl/min da 331,5 N·m ga teng.

Kuch agregati tejamkorlik va ekologik standartlar bo‘yicha zamonaviy talablarga javob beradi va 8 pog‘onali gidromexanik avtomatik uzatmalar qutisi bilan birgalikda ishlaydi, bu esa harakatning ravonligi va ishonchli dinamikani ta’minlaydi.

Rangga oid yechimlar va materiallar

O‘zbekiston bozorida Kia Carnival kuzovning beshta rangida, jumladan, Ivory Silver tusida ham mavjud. Kia Carnival intereri kulrang-jigarrang va qaymoqli-qora ranglardan foydalangan holda mo‘’tadil gammada yaratilgan.

Dekorativ elementlar metallik, akvaprint yoki qora yaltiroq uslubida bajarilgan. O‘rindiqlarni qoplashda komplektatsiyaga qarab mato, sun’iy yoki tabiiy charm ishlatiladi.

Komplektatsiyalar, narxlar va kafolat

Kia Carnival O‘zbekiston avtomobil bozorida uchta komplektatsiyada taqdim etilgan:

● Comfort — 624 900 000 so‘m;

● Luxe — 724 900 000 so‘m;

● Prestige — 834 900 000 so‘m.

Avtomobilga, qaysi biri avval sodir bo‘lishiga qarab, 5 yil yoki 150 000 km yo‘l bosishga kafolat beriladi.

Yangi Kia Carnival — bu makon, uslub va texnologiyalar o‘rtasida tanlov qilishga tayyor bo‘lmaganlar uchun mo‘ljallangan avtomobil. U oilaviy transport, nufuzli toifadagi shattl yoki biznes uchun avtomobil sifatida bir xil tarzda mos keladi. Carnival odatiy segmentlar doirasiga moslashmaydi — u o‘z qoidalarini o‘zi shakllantiradi.

Komplektatsiyalar va narxlar haqida batafsil ma’lumotni kia.uz saytidan yoki brendning rasmiy dilerlik markazlaridan bilib olishingiz mumkin.

Telefon: (+998) 55-500-83-33

Sayt |  Facebook |  Instagram |  Telegram |  YouTube 

Reklama huquqi asosida