Kia’ning yangi sedani O‘zbekiston yo‘llariga chiqish uchun hozirlik ko‘rmoqda

Avtomobilni ishlab chiqarishni ADM Jizzakh zavodida yo‘lga qo‘yish rejalashtirilgan bo‘lib, hozirda u yerda yangi ishlab chiqarish liniyasi ishga tushirilish arafasida. Mazkur loyiha Kia’ning texnologik standartlariga muvofiq amalga oshirilmoqda va tarkibiy qismlarni tayyorlashdan tortib yakuniy sifat nazoratigacha bo‘lgan to‘liq jarayonni o‘z ichiga oladi.

Yangi sedan keng doiradagi haydovchilarga mo‘ljallangan bo‘lib, kundalik foydalanish uchun puxta o‘ylangan dizayn, qulay salon va zamonaviy raqamli yechimlarni o‘zida mujassam etgan.

ADM kompaniyalar guruhi bosh direktori Daniyar Davletiyarovning so‘zlariga ko‘ra, model ishga tushirilishi kompaniya rivojlanishining keyingi bosqichini aks ettiradi.

“Biz boshidanoq ishlab chiqarishni xalqaro standartlarga mos holda barpo etdik. Bugun biz yetkazib berish geografiyasini kengaytirmoqdamiz: yangi model uchun butlovchi qismlar nafaqat Koreyadan, balki Meksika va boshqa mamlakatlardan ham yetkazib beriladi. Mazkur loyiha ADM’ning global ishlab chiqarish jarayonlariga integratsiyalashuvida muhim qadam hisoblanadi”, — dedi u.

ADM Jizzakh’da ishlab chiqarishni rivojlantirish mahalliy bozor uchun yangi texnologiyalarni joriy etishdan tortib yetkazib beruvchilar bilan hamkorlikni kengaytirishgacha bo‘lgan qo‘shimcha imkoniyatlarni ham ochib beradi.

Modelning rasmiy nomi hozircha oshkor etilmagan. Uning O‘zbekistondagi ilk namoyishi 27 aprel kuni bo‘lib o‘tadi.

Veb-sayt | Elektron pochta

ADM: Instagram | Facebook | YouTube | X | LinkedIn

ADM Jizzakh: Telegram | Instagram | Facebook | YouTube

Kia Uzbekistan

Telefon: (+998) 55-500-83-33

Veb-sayt

Kia: Telegram | Instagram| Facebook | YouTube

Reklama huquqi asosida