Янги Kia Carnival — оилавий ва корпоратив транспортнинг янги стандарти

Замонавий Carnival бир вақтнинг ўзида бир нечта тоифалар хусусиятларини бирлаштиради: минивен сиғими, кроссовернинг визуал ишончлилиги ва бизнес-класс автомобиллари билан солиштириш мумкин бўлган қулайлик даражаси. Бундай ёндашув моделни илғор оилалар учун ҳам, корпоратив мижозлар учун ҳам, йирик SUVʼдан бошқа транспорт воситасига ўтаётганлар учун ҳам бирдек жозибадор қилади.

Экстерьер: замонавий, дадил, ишончли

Kia Carnival’даги ўзгаришлар бир нигоҳдан сезилади. Экстерьер «Қарама-қаршиликлар бирлиги» бренд фалсафаси ва табиат билан бирлашиш ғоясини ривожлантирувчи «Замонавий ва жасур» дизайн концепциясида яратилган. Бундай ёндашув моделнинг учта асосий сифатини ажратиб кўрсатади: индивидуаллик, таъсирчанлик ва қулайлик.

Автомобилнинг олд қисми вертикал йўналтирилган фаралар ва «Юлдузлар харитаси» услубида ишлаб чиқилган кенг кундузги чироқлар туфайли технологик ва ифодали тарзда кўринади. Геометрик ишлов берилган радиатор панжараси жиддийлик таассуротини оширади ва ҳимояловчи пластинали қайта ишланган бампер моделнинг кроссовер хусусиятини алоҳида намоён этади.

Carnival’нинг орқа томонида ҳам сезиларли даражада ўзгаришлар содир бўлди. Рақам белгиси юкхона эшигининг пастки қисмига жойлаштирилди, бу эса чиқиб турган тутқичдан халос бўлиш ва янада тоза ва ихчам кўриниш яратиш имконини берди. Худди шу «Юлдузлар харитаси» концепциясида ишлаб чиқилган орқа чироқлар эшикнинг минимал дизайни билан уйғунлашади ва ривожланиш кайфиятини кучайтиради. Кенг ҳимоя пластинкаси ва контраст қора элементлар ишончли ва замонавий кроссвен образини якунлайди.

Модел учун 17 дан 19 дюймгача бўлган янги дизайндаги енгил қотишмали ғилдирак дисклари тақдим этилган.

Интерьер: макон, технология ва қулайлик

Kia Carnival салони анъанавий равишда моделнинг энг кучли асосларидан бири бўлиб қолмоқда. Интерьер кенглик, аниқ зоналарга бўлиниш ва визуал қулайлик ғояси атрофида қурилган бўлиб, футуристик услуб мўъжаз чизиқлар ва пухта ўйланган ёритиш орқали шакллантирилган.

Марказий элемент сифатида рақамли қурилмалар панели ва мультимедиа тизимини бирлаштирган кенг панорамали букланган дисплей пайдо бўлди. Ҳар бир экраннинг диагонали 12,3 дюйм бўлиб, маълумотларни бошқариш ва иқлим назорати янада тушунарли тарзда намоён бўлди. Эшик элементлари, тирсак қўйгичлар ва динамиклар декоратив панжараларининг шакллари ва безаклари ўзгарди, бу эса интерьернинг премиум хусусиятини яққол кўрсатади.

Ўзига хос туйғуларни Ergo Motion ҳайдовчи ўриндиғи таъминлайди. Ёстиқ ва суянчиққа жойлаштирилган ҳаво катаклари тизими қулайлик даражасини бошқариш имконини беради ва узоқ сафарларда чарчоқни камайтириш орқали танани чўзиш функцияларини амалга оширади. Ҳайдовчи ихтиёрида 12 дюймли проекцион дисплей мавжуд бўлиб, олд панель ва эшикларнинг 64 хил рангдан бирини танлаш имконига эга атмосферли ёритгич қўшимча қулайлик ҳиссини яратади.

Турли қисмларига эътибор кучайтирилди: олд стакан қўйгичларининг ўлчами катталаштирилди, салон кўзгуси оптик режим ва камерадаги тасвир ўртасида ўзгартириш имконияти асосида рақамлаштирилди. Иккинчи қатордаги ўриндиқлар Relaxation Seat тизими билан жиҳозланди. Муҳим янгиланишлар қаторида йўловчиларнинг йўл-транспорт ҳодисаларида бир-бири билан тўқнашишининг олдини олувчи марказий ён хавфсизлик ёстиқчаси ҳам ўрин олган.

Двигател ва трансмиссия

Kia Carnival учун ўзини яхши намоён қилган Smartstream туркумидаги 3,5 литрли атмосферали V6 тақсимланган ёнилғи пуркашга эга бензин двигатели билан жиҳозланган. Унинг қуввати 6400 айл/мин да 272 от кучи, максимал бурувчи моменти эса 5000 айл/мин да 331,5 Н·м га тенг.

Куч агрегати тежамкорлик ва экологик стандартлар бўйича замонавий талабларга жавоб беради ва 8 поғонали гидромеханик автоматик узатмалар қутиси билан биргаликда ишлайди, бу эса ҳаракатнинг равонлиги ва ишончли динамикани таъминлайди.

Рангга оид ечимлар ва материаллар

Ўзбекистон бозорида Kia Carnival кузовнинг бешта рангида, жумладан, Ivory Silver тусида ҳам мавжуд. Kia Carnival интерьери кулранг-жигарранг ва қаймоқли-қора ранглардан фойдаланган ҳолда мўътадил гаммада яратилган.

Декоратив элементлар металлик, аквапринт ёки қора ялтироқ услубида бажарилган. Ўриндиқларни қоплашда комплектацияга қараб мато, сунъий ёки табиий чарм ишлатилади.

Комплектациялар, нархлар ва кафолат

Kia Carnival Ўзбекистон автомобил бозорида учта комплектацияда тақдим этилган:

● Comfort — 624 900 000 сўм;

● Luxe — 724 900 000 сўм;

● Prestige — 834 900 000 сўм.

Автомобилга, қайси бири аввал содир бўлишига қараб, 5 йил ёки 150 000 км йўл босишга кафолат берилади.

Янги Kia Carnival — бу макон, услуб ва технологиялар ўртасида танлов қилишга тайёр бўлмаганлар учун мўлжалланган автомобил. У оилавий транспорт, нуфузли тоифадаги шаттл ёки бизнес учун автомобиль сифатида бир хил тарзда мос келади. Carnival одатий сегментлар доирасига мослашмайди — у ўз қоидаларини ўзи шакллантиради.

Комплектациялар ва нархлар ҳақида батафсил маълумотни kia.uz сайтидан ёки бренднинг расмий дилерлик марказларидан билиб олишингиз мумкин.

Телефон: (+998) 55-500-83-33

Сайт |  Facebook |  Instagram |  Telegram |  YouTube 

Реклама ҳуқуқи асосида