Shavkat Mirziyoyev AQShga yetib bordi

Prezident Shavkat Mirziyoyev AQShga amaliy tashrif doirasida Tinchlik kengashining birinchi sammiti va qator ishbilarmonlik tadbirlarida ishtirok etadi.

Foto: Prezident matbuot xizmati

O‘zbekiston prezidenti Shavkat Mirziyoyev rafiqasi hamrohligida amaliy tashrif bilan AQShga keldi.

“Endryus” aviabazasida davlat rahbarini AQSh–O‘zbekiston savdo palatasi raisi Kerolin Lemm, Missisipi shtati Milliy gvardiyasi birlashgan shtabi qo‘mondoni Jyeyms Xenkins va boshqa rasmiy shaxslar kutib oldi.

Vashingtonda ajratilgan qarorgohda esa prezidentni AQSh prezidentining maxsus vakili Paolo Zampolli qarshi oldi.

Tashrif doirasida O‘zbekiston rahbari Tinchlik kengashining birinchi sammiti hamda bir qator ishbilarmonlik tadbirlarida ishtirok etishi rejalashtirilgan.