O‘zbekiston–AQSh turistik almashinuvi: yanvar oyi ko‘rsatkichlari e’lon qilindi

Milliy statistika qo‘mitasi ma’lumotlariga ko‘ra, 2026 yilning yanvar oyida O‘zbekistonga 1 642 nafar AQSh fuqarolari turistik maqsadlarda tashrif buyurgan.

Turistlar soni avvalgi yilga nisbatan 39,4 foizga ko‘paygan.

Ularning safar maqsadlari tarkibida sayohat ustunlik qilib, 1 120 nafarni tashkil etgan. Shuningdek, xizmat yuzasidan 269 nafar, o‘qish uchun 112 nafar, qarindoshlarni yo‘qlash uchun 133 nafar, tijorat maqsadida 6 nafar va davolanish uchun 2 nafar tashrif qayd etilgan.

Mazkur davrda 964 nafar O‘zbekiston fuqarolari turistik maqsadlarda AQShga safar qilgan.

Joriy yil boshida AQShga borgan O‘zbekiston fuqarolarining safar maqsadlari tahlil qilinganda — sayohat maqsadida 796 nafar, qarindoshlarni yo‘qlash maqsadida 135 nafar, o‘qish uchun 25 nafar, xizmat yuzasidan 6 nafar va davolanish uchun 2 nafar fuqaro safar qilgan.

https://t.me/statistika_rasmiy/7227