Quyosh faolligi 2022 yildan beri eng past darajaga tushdi

Rossiya Fanlar akademiyasining Quyosh astronomiyasi laboratoriyasi faollik prognozlarga qaraganda tezroq pasayib borayotganini va hozircha fevraldagi pasayish ehtimoliy fluktuatsiya - biror kattalikning tasodifiy og‘ishi sifatida ko‘rib chiqilayotganini ta’kidladi.

Taqqoslash uchun: joriy siklning eng yuqori cho‘qqisida, 2024 yil avgust oyida, o‘rtacha oylik dog‘lar soni 216 taga yetgan - bu so‘nggi 20 yildagi eng yuqori ko‘rsatkichdir. Quyosh faolligi ko‘rsatkichi 1749 yildan beri o‘lchanadi va yoritgich holatining asosiy ko‘rsatkichi hisoblanadi.

Olimlar Quyoshning global faolligi kutilganidan ancha tez pasayib borayotganiga e’tibor qaratmoqda. Fevral oyi uchun prognoz 114,8 ni tashkil etdi va 2027 yil o‘rtalaridan oldin 80 dan past bo‘lgan barqaror pasayish kutilmoqda. Shuning uchun hozirgi pasayish hozircha barqaror trend emas, balki tasodifiy tebranish sifatida ko‘rib chiqilmoqda.

Quyosh faolligi uning magnit maydoni bilan bog‘liq bo‘lgan o‘zgarishlardir. U Yerning magnit maydoniga, aloqaga, sun’iy yo‘ldoshlarga, energiya tizimlariga va qutb yog‘dularining paydo bo‘lishiga ta’sir qiladi.