Saida Mirziyoyeva AQSh poytaxtida Serjio Gor bilan uchrashuv o‘tkazdi

Prezident administratsiyasi rahbari Saida Mirziyoyeva Vashington shahrida Amerika–O‘zbekiston ishbilarmonlik va investitsiya kengashi hamraisi, elchi Serjio Gor bilan uchrashuv o‘tkazdi. Unda ikki davlat o‘rtasidagi ishbilarmonlik hamkorligining asosiy yo‘nalishlari muhokama qilindi.

Foto: Telegram / Saida Mirziyoyeva

Uchrashuv Amerika–O‘zbekiston ishbilarmonlik va investitsiya kengashi faoliyati rasman boshlanishi arafasida bo‘lib o‘tdi. Tomonlar mazkur tuzilma ikki mamlakat o‘rtasidagi biznes aloqalarni yanada mustahkamlashda samarali platformaga aylanishiga ishonch bildirdilar.

Muloqot davomida savdo-iqtisodiy aloqalarni kengaytirish, investitsiyalarni jalb qilish hamda o‘zaro manfaatli loyihalarni rivojlantirish masalalariga alohida e’tibor qaratildi.

Qayd etilganidek, O‘zbekiston va Qo‘shma Shtatlar o‘rtasidagi hamkorlikni yanada chuqurlashtirishda davlat rahbarlarining qat’iy siyosiy irodasi muhim omil bo‘lib xizmat qilmoqda.

Ishbilarmonlik dasturi doirasida uchrashuvlar davom etmoqda.