Smartfon ishlashini sekinlashtiradigan ilovalar aytildi

Mualliflarning ta’kidlashicha, zamonaviy ilovalar, ayniqsa Android platformasida fon rejimida ishlay oladi, telemetriya ma’lumotlari va reklama uchun axborot to‘playdi. Bu esa qurilma samaradorligini pasaytiradi va batareya tezroq tugashiga olib keladi.

Mutaxassislarning so‘zlariga ko‘ra, birinchi navbatda ijtimoiy tarmoq ilovalari ana shunday ilovalar qatoriga kiradi. Masalan, Facebook, TikTok, X va boshqa servislar foydalanuvchi haqida ma’lumotlarni yig‘ib, unga mos kontentni ko‘rsatadi.

Shuningdek, striming ilovalari ham qurilma ishlash tezligiga ta’sir qilishi mumkin. Masalan, Netflix onlayn-kinoteatri va Spotify musiqa xizmati ma’lumotlarni keshda saqlaydi. Xotira yetishmasligi sababli smartfon sekinroq ishlay boshlaydi.

Google Maps, Waze kabi navigatsiya dasturlari internetsiz ham ishlay olishi uchun ma’lumotlarni keshda saqlaydi.

Ob-havo ilovalari ham resurslarni sarflaydi. Masalan, Pixel Weather, Weather Underground, Weawow kabi servislar meteoma’lumotlarni doimiy yangilab turadi, internet-trafikni ishlatadi va batareya quvvatini kamaytiradi.