Yuqori qon bosimidan xalos qiladigan 7 ta uglevod aytildi

Yuqori qon bosimi ko‘pincha «sokin qotil» deb ataladi, chunki u yillar davomida organizmni sezdirmasdan vayron qiladi, deb yozdi EatingWell.

Kasalliklarni nazorat qilish va oldini olish markazi (CDC) statistik ma’lumotlariga ko‘ra, har ikkinchi katta yoshli odamda qon bosimi bilan bog‘liq muammolar mavjud bo‘lib, bu to‘g‘ri ovqatlanish ratsionini topishni hayotiy zaruratga aylantiradi.

Shuning uchun nashr uni yaxshilash uchun sotib olish kerak bo‘lgan 7 ta mahsulotdan iborat to‘plamni tuzdi.

Banan

Banan kaliy uchun eng qulay manbalardan biridir. Bu mineral organizmga ortiqcha natriyni chiqarib tashlashga yordam beradi va qon tomirlari devorlaridagi zo‘riqishni bartaraf etadi. Amerika kardiologiya assotsiatsiyasi tavsiyalarida ko‘rsatilganidek, ratsionda kaliy miqdorini oshirish tonometr ko‘rsatkichlari 120/80 dan yuqori bo‘lganlar uchun juda muhimdir.

Loviya

Loviya, no‘xat va yasmiq shunchaki garnir emas, balki qon tomirlarini tozalash uchun kuchli vositadir. Ular tarkibida magniy va arteriyalarning elastikligini saqlashga yordam beradigan maxsus turdagi kletchatka mavjud. Nutriens jurnalida e’lon qilingan tadqiqotlarga ko‘ra, o‘simlik oqsili loviyadagi eruvchan kletchatka bilan birgalikda yurak faoliyatini sezilarli darajada yengillashtiradi.

Yogurt

Shirinlik qo‘shilmagan tabiiy yogurtda gipertoniya bilan kurashish uchun bir vaqtning o‘zida uchta asosiy mineral mavjud: kalsiy, magniy va kaliy. International Dairy Journal jurnalidagi mavjud ma’lumotlarga ko‘ra, uning tarkibidagi probiotiklar ham ichak mikroflorasini sog‘lomlashtirish orqali qon bosimi darajasiga ijobiy ta’sir ko‘rsatishi mumkin.

Tarvuz

Uning tarkibida qon tomirlarining kengayishiga yordam beradigan aminokislotalar mavjud bo‘lib, ular avtomatik ravishda bosimni pasaytiradi. Diabetes Research and Clinical Practice jurnalida chop etilgan ilmiy ma’lumotlar tarvuzni muntazam iste’mol qilish sistolik bosimni barqarorlashtirishga yordam berishini tasdiqlaydi.

Suli yormasi

Yaxlit donli suli urug‘i xolesterin darajasi va qon bosimini bir vaqtning o‘zida pasaytiradigan beta-glyukanlar - maxsus tolalarga boy. Scientific Repors maqolasida aytilishicha, rafinatsiyalangan yormalarni yaxlit don bilan almashtirish insultning oldini olish uchun DASH parhezining eng samarali qadamlaridan biridir.

Qorag‘at (Chernika)

Qorag‘atning ko‘k rangi antosianlar borligidan dalolat beradi. Bu antioksidantlar tomirlarning ichki qobig‘i - endoteliyni mustahkamlaydi. Biomolecules tadqiqotiga ko‘ra, har kuni hatto yangi yoki muzlatilgan rezavor mevalarning kichik porsiyasi ham qon tomirlarga qonni yaxshiroq haydashga yordam beradi.

Apelsin sharbati

Bir stakan tabiiy sharbat tarkibida antioksidant gesperidin mavjud bo‘lib, u yurak-qon tomir tizimiga bevosita ta’sir ko‘rsatadi. European Journal of Nutrition jurnalida yengil gipertoniya bilan og‘rigan odamlar ushbu ichimlikni nonushtaga qo‘shish orqali o‘z ahvolini sezilarli darajada yaxshilagan tajriba tasvirlangan.

Eslatma, yangilik ko‘rinishidagi materiallarni shifokorning retsepti bilan tenglashtirmaslik kerak. Qaror qabul qilishdan oldin mutaxassis bilan maslahatlashing.