Kamilla Rahimova «Rolan Garros» turnirini g‘alaba bilan boshladi

O‘zbekistonlik tennischi Fransiya ochiq chempionatining birinchi bosqichidan muvaffaqiyatli o‘tdi.

Jahon tasnif jadvalida 89-pog‘onani egallab turgan tennischi Kamilla Rahimova «Rolan Garros» turnirida birinchi bosqich o‘yinini o‘tkazdi. Ruminiyalik Kristian Jaklinga (33-reyting) qarshi kortga chiqqan o‘zbekistonlik sportchi 3 set (6:3, 4:6, 6:4) davom etgan o‘yinda g‘alabaga erishdi. Rahimova ikkinchi davra bahsini chexiyalik Karolina Muxovaga qarshi o‘tkazadi.

«Katta dubulg‘a» turnirlariga kiruvchi «Rolan Garros» (Tennis bo‘yicha Fransiya ochiq chempionati) 24 maydan 7 iyungacha Parijdagi Stade Roland Garros grunt kortlarida bo‘lib o‘tadi. Musobaqa sovrin jamg‘armasi — taxminan 61,7 million yevro. 2025 yilda erkaklar o‘rtasidagi bahslarda ispaniyalik Karlos Alkaras, ayollar o‘rtasidagi bahslarda amerikalik Koko Gauff g‘alaba qozongan edi.

Asli rossiyalik bo‘lgan Kamilla Rahimova 2025 yil dekabr oyida sport fuqaroligini o‘zgartirib, xalqaro musobaqalarda O‘zbekiston bayrog‘i ostida ishtirok etishni boshladi.