Parijda «PSJ» fanatlari tartibsizlik keltirib chiqardi – fotolar

YeChLdagi g‘alabani nishonlash chog‘ida ko‘chalarda mashinalar yoqib yuborilgan, politsiyachilar bilan to‘qnashuvlar ro‘y bergan va yuzlab fanatlar qo‘lga olingan.

30 may kuni Fransiyaning «PSJ» klubi finalda Londonning «Arsenal» klubini penaltilar seriyasida mag‘lub etib, qatorasiga ikkinchi bor Chempionlar ligasida g‘olib chiqdi. Budapeshtda bo‘lib o‘tgan o‘yindan keyin «PSJ»ning minglab fanatlari Parij va Fransiyaning boshqa shaharlarida ko‘chalarga chiqib, g‘alabani nishonlashdi. Fanatlar va politsiyachilar o‘rtasida to‘qnashuvlar bo‘lib o‘tgan. 31 may kuni tongida mamlakat ichki ishlar vazirligi bezorilardan 416 nafari qo‘lga olingani, bu holatlarning aksari (283) Parijga to‘g‘ri kelishi haqida ma’lumot berdi. Muxlislar mushak va signalli raketalar otishgan, politsiyachilar esa olomonni tarqatish uchun ko‘zdan yosh oqizuvchi gaz qo‘llagan. To‘qnashuvlar oqibatida yetti nafar politsiyachi jabrlangan. Avtomobillar va velosipedlarga o‘t qo‘yilgan. Quyida «PSJ» g‘alabasidan keyin Parijda nimalar bo‘lgani aks etgan suratlar.