Россия Мудофаа вазирлигининг собиқ ходими 5 йилга қамалди

Россия Мудофаа вазирлиги мол-мулк муносабатлари департаментининг собиқ раҳбари Евгения Васильева суд томонидан 5 йил муддатга озодликдан маҳрум қилиш жазосига маҳкум қилинди. Жазо умумий режим колониясида ўтказилиши белгиланди. Шунингдек, у 2013 йил май ойидан бугунги кунга қадар уй қамоғида сақлангани белгиланди.
Собиқ амалдор хоним 12 жиноий эпизодда гумон қилинаётган эди; улардан 8тасида айбдорлиги исботланди. Ҳукмда таъкидланишича, 2010 йил февралда мансабни эгаллаган Васильева давлат мулкини талон-торож қилишга киришган. Бунинг учун у собиқ мудофаа вазири Анатолий Сердюков билан ва девон раҳбарияти билан жиноий тил бириктирган.
Бундан ташқари, суд Васильева пулларни “ювиш” ишларини ҳам амалга оширганликда айбдор деб топди.