Яценюк: Греция туфайли Украина радардан тушиб қолди

Украина бош вазири Арсений Яценюк The Financial Times нашрига берган интервьюсида Греция раҳбариятининг феъл-атворини танқид остига олди.
“Бизга яқин тўрт йил ичида 25 млрд доллар ваъда қилинган эди, бунда биз Россияга қарши урушиб, иқтисодиётимизнинг 20 фоизини йўқотдик. Грециялик дўстларимиз эса, аҳолиси Украинадагига нисбатан тўрт баробарга камроқ бўлишига қарамай, 300 млрд доллар олишди ва яна 60-80 млн олишмоқчи”, – деди Яценюк.
Унинг фикрича, Греция жаҳон диққат марказида бўлгани боис Украина “радарлардан тушиб қолди”.