“Рубин”нинг ганалик футболчиси безгакка учради

Қозоннинг “Рубин” жамоаси таркибида тўп сурувчи футболчи Муборак Вакасо безгак касали билан шифохонага ётқизилди. Бу ҳақда жамоанинг бош мураббийи Ринат Билолиддинов маълумот берди.
“Вакасо безгакка учради. Бу жиддий касаллик, унинг оқибатлари ҳар қандай тана аъзосида сезилиши мумкин. Ҳозирча унинг шифохонадан чиққанидан сўнг аҳволи қандай бўлиши номаълум”, – унинг сўзларини келтиради ТАСС агентлиги.