Порошенко Путиннинг Қримга ташрифини “таҳдид” деб атади

Украина президенти Пётр Порошенко россиялик ҳамкасби Владимир Путиннинг Қримга ташриф буюришига ўз норозилигини билдирди.
“Путиннинг Қримга Украина ҳукумати билан келишмаган ҳолда келиши маданиятли дунё учун таҳдид бўлиб, бу россиялик ҳарбийлар Донбассда амалга ошираётган сиёсатнинг давомидир”, – деб ёзди Порошенко Facebook’даги саҳифасида.
Порошенконинг фикрича, Қрим фақатгина Украина таркибида келажакка эга бўлиши мумкин.