Истомин US Open турнирининг учинчи даврасига ўта олмади

Ўзбекистоннинг биринчи рақамли теннисчиси Денис Истомин йилнинг тўртта нуфузли турниридан бири, “Катта Дубулға” туркумига кирувчи АҚШ Очиқ чемпионатининг (US Open) яккалигидаги иштирокини якунлади.

У иккинчи давра учрашувида дунёнинг 20-ракеткаси австриялик Доминик Тимга қарши кортга чиқди.

Доминик Тим биринчи ва иккинчи сетларда 6:4, 6:4 ҳисобларида ғалаба қозонди. Учинчи сетнинг биринчи геймидан кейин эса Истомин жароҳати туфайли баҳсни давом эттира олмади.

Қайд этиш керакки Денис Истомин турнирнинг жуфтликдаги иштирокинм давом эттирмоқда. У биринчи даврада ўз шериги беларуслик Александр Бурий билан биргаликда Янко Типсаревич ва Раду Альбот жуфтлигини мағлуб этганди.

US Open теннис мусобақаси Нью-Йоркдаги Миллий теннис марказий кортларида ўтказилади. Мусобақа икки ҳафта давом этади.