Туркманистон биринчи марта ҳарбий денгиз кучлари гарнизонини яратади

Туркманистон президенти Гурбангули Бердимуҳамедов мамлакат қуролли кучлари ҳарбий денгиз гарнизонини яратиш ҳақидаги қарорни имзолади.
“Бетараф ватанимиз тарихида биринчи марта ҳарбий денгиз кучлари гарнизони яратилади, улар ватанимиз денгиз жабҳаларини мудофаа қилади”, - деб таъкидлади мамлакат раҳбари.

2010 йили мамлакатда “2015 йилгача Туркманистон қуролли кучлари ҳарбий денгиз кучларини ривожлантириш дастури” қабул қилинган эди. Шу дастур асосида 5 йил давомида ҳарбий денгиз кучлари яратилди. 2011 йилдан буён мамлакатда ҳарбий денгиз кучлари куни нишонланиб келинади.