Обама Башар Асадни мустабид деб атади

АҚШ президенти Барак Обама БМТ Бош Ассамблеясининг 70-сессиясидаги чиқишини бошлади.

У ўз нутқида Суриядаги вазиятга ҳам тўхталди ва бу мамлакат раҳбари Башар Асадни золим ва мустабид ҳукмдор сифатида номлади.

"Баъзилар БМТнинг ўз идеалларидан воз кечишини истамоқда. Улар ташкилотнинг муроса қилиш йўлига ўтишини исташмоқда. Бундай мантиққа эга кишиларнинг фалсафасига кўра биз Сурияда ўз халқини бомбалаган, аёллар ва болаларни ўлдирган мустабид Башар Асадни қўллаб-қувватлашимиз керак бўлади", дейди Обама.