Киевда Москва билан боғлиқ кўчалар номи ўзгартирилади

Украина раҳбарияти Киевдаги Москва билан боғлиқ топонимияни ўзгартиришга қарор қилди, деб хабар беради Украинанинг “Вести” газетаси.

Бюджет комиссияси бу борадаги тўрт лойиҳани қўллаб-қувватлади. Улар парламентнинг тез кунларда бўладиган сессияларидан бирида муҳокамага киритилади.

Уларга кўра, Московская кўчаси Старопечёрскаяга ўзгартирилади; Москва кўприги унинг меъмор Георгий Фукс номи билан айтилади; Московская майдони Демеевская, Москва шоҳкўчаси эса Куреневский деб ўзгартирилади.