Франция ТИВ: Олланд ва Путин Россиядан санкцияларни ечиш масаласини муҳокама қилишди

Франция президенти Франсуа Олланд Москвага сафари вақтида Путин билан Россиядан санкцияларнинг олиб ташланиши масаласини муҳокама қилган. Бу ҳақда Франция ТИВ раҳбари Лоран Фабиус RTL радиостанциясига берган интервьюсида маълум қилган.

Бироз олдинроқ, Франсуа Олланд Путин билан учрашуви якунлари бўйича матбуот анжуманида Россия ва Франция ўртасида Украина масаласида ахборот алмашинувига келишилгани ҳақида айтганди. Олланд бу масала бўйича ишлар Минск келишувлари доирасида олиб борилишини қайд этган.