Оқ уй Эроннинг ядровий дастур бўйича келишув шартларини бажаришини кутмоқда

Қўшма штатларда Эроннинг "келгуси ҳафталарда" ўз зиммасидаги бир қатор шартларни бажаришини кутишмоқда. Эронликларга 2015 йилнинг июлида "олтилик" (БМТ Хавфсизлик кенгашининг доимий аъзолари ва Германия) ва расмий Теҳрон ўртасида тузилган келишув шартлари эслатилган. Бу ҳақда Барак Обаманинг ташқи сиёсат бўйича маслаҳатчиси Бен Родс журналистларга маълум қилган.

"Мен эронликлар кейинги ҳафтада келишув шартларини бажариш бўйича ишларни якунлашини тахмин қилаяпман", деган у Гавайида ўтказилган брифингда.

Эрон ва халқаро воситачилар "олтилиги" 14 июлга ўтар кечаси Теҳрон ядровий дастури бўйича келишувга эришган эди. Унга кўра, БМТ Хавфсизлик кенгаши, АҚШ ва Европа Иттифоқи томонидан Эронга нисбатан санкцияларни бекор қилиши эвазига Эрон томони ўз ядровий дастури фақат тинчлик мақсадларига йўналтирилганини исботлаб бериши керак.

АҚШ Эронга қарши янги санкциялар киритиши мумкин

АҚШ январдаёқ Эрондан бир қатор санкцияларни бекор қилиши мумкин

АҚШда Эронга нисбатан янги санкциялар киритишни ортга қолдирилди

Эрон АҚШнинг эҳтимолий санкцияларига жавобан 5000 км дан узоқроққа учадиган ракета яратади