Москвалик киракаш ўзбекистонлик мижозининг телефони ва 76 минг рублини ўғирлади

Москвада такси машинасига ўтирган ўзбекистонлик киши телефони ва 76 минг рубль пулидан ажралди, деб хабар берди бир қатор интернет нашрлар.

Айтилишича, Ўзбекистон фуқароси таксига ўтириб, Сбербанк шохобчасига кирган ва картасидан пул ечиб олган. Уйга қайтиш чоғида машина ичида ўтириб ухлаб қолган.

Машинадан тушганидан сўнг ёнида телефони ва пластик картаси йўқлигини аниқлаган. Кейинги суриштирувлар картадан 76 минг рубль ечиб олинганини кўрсатди.

Полиция киракашни қидирмоқда.