ОАВ: ўзини америкалик деб атаётган эркак КХДРдан қутқаришларини сўрамоқда

Ўзини Американинг фуқароси деб атаётган Ким Тон Чхол КХДРда жосусликда айбланиб қўлга олинганидан сўнг АҚШ ва Жанубий Корея ҳукуматига мурожаат қилиб, қутқариб олишларини сўрамоқда. Бу ҳақда CNN хабар берди.

“Менинг вазифам ҳарбий сирлар ва “можароли” саҳналарни суратга олишдан иборат эди. Мендан КХДРда бошқарув тизимини йўқ қилишда ёрдамлашиш ва ҳукуматда ташвиқот материалларини тарқатишни сўрашди”, - деди у.

КХДР ҳукумати Америка телеканалига ўзини Виргиния штатида яшаганини иддао қилаётган қўлга олинганнинг ёнига кириш учун ижозат берди. Интервьюдан сўнг телеканалга унинг паспорти ҳам тақдим этилган.