Технология | 00:19 / 11.01.2016
5180
1 дақиқада ўқилади

Павел Дуров Саудия Арабистонида Telegram ишида кузатилган носозликлар тўғрисида хабар берди

Telegram мессенжери асосчиси Павел Дуров Саудия Арабистонида мессенжер кечаги кундан бери носозликлар билан ишлаётгани тўғрисидаги маълумотни тасдиқлади.
У бу ҳақда твиттерда қуйидагича ёзган:

“Мен Telegram трафиги Саудия Арабистонида кечадан бери қисман чекланганини тасдиқлайман” – дея ёзган у.

Дуров носозликлар сабаби ҳали номаълум эканини қайд этган.

Аввалроқ Эдвард Сноуден Telegram ишлашининг хавфсизлигига иккиланиш билдирган эди.